طريقة عمل وصنع المخللات - اللفت والجزر والشمندر ((بالخطوات المفصلة))

السلام عليكم حبيباتي
الطرشي اوالمخللات ]العراقية مشهورة بطعامتها واللي مجربها يعرف عن شنو نحجي^_^
هذا نوع من المخللات اللي نسويها بالبيت
مخلل اللفت والشمندر والجزر
نحتاج الى
نصف كيلو جزر
نصف كيلو شونذر((الشمندر))
كيلو شلغم((اللفت))
يعني اللفت يكون ضعف المواد اللي وياه دوم
نغسلهم ونقشرهم

نقطع الجزر دوائر او اي شكل حابين

والشلغم

والشونذر

وهاي التشكيلة

ونحضر علبة محكمة الاغلاق او برطمانات ونعبي بها المواد ونملئها ماي يغطي المواد ونملح حسب الرغبة يعني كوب ملح تقريبا لهالكمية

ونغلق ونتركو اسبوع الى عشر ايام

وبعد عشرة اياااااام مممممممممم لذيذ
طبعا حتتلون كل المواد بلون الشونذر الوردي الحلو

ونقدمها مع شوية من مائها واكيد عصير ليمون تطلع جنااان
اذا حبيتي اعصيري كم ليمونة وحطيهم بالبرطمانات طبعا بعد ماينضج الطرشي حتى تقدميها علطول

وتقدرين تقطعيه مع السلطة يجي حلو لونا وطعمااااا

اتمنى طريقتنا السهلة والصحية افادتكم
دمتم بحفظ الرحمن

منقوللللللل لعيونكم

اويلي كمت امطك حنونه يخبل
عاشت ايدك
لذيذ وسهل لكن بلبرد هم يصير
طريقة عمل وصنع المخللات - اللفت والجزر والشمندر ((بالخطوات المفصلة)) 46972

نورتي شموستي الحلوة جبيبتي هوه بالبرد يصير من يطلع الشلغم بالسوك

يعني هسه وكتهه وبالف عافيه مقدمااااااااا

حنون هاي نفس طريقتي بس اضيف قرنابيط ولهانه بعد ان نسلقها شوي

شكرا لك يا مبدعه

نورتي غزوله حبيبتي اكيد اللهانه والقرنابيط تطلع تجنن

اني من نخلص الشلغم والشوندر ويبقى المي مالهم احط بيهه شعندي طرشي خيار لهانه قرنابيط

كلهه تحمر لونهه وشكلهه يخبل .......صحة وعافيه للجميع

حنونه اليوم سويت طرشي شلغم ودانتظر كم يوم يصير
هم اخليله كم فص ثوم يضيفلهه نكهه

www.ward2u.com.gif" border="0" alt=""/>

» طريقة صنع حمالة لسكاكين المطبخ بالخطوات المصورة.....
» تمارين شد البطن بالخطوات
» دجاج تكا بالخطوات المصورة
» أصابع التمر بالخطوات المصورة
» تعلم الرقص الشرقي بالخطوات للمبتدئات