Iأصول (نگ) النسوان من الألف إلى الياء
Iالألف: أريد فلوس عازمة صديقاتي... وررّرق
Iالباء : باجر لازم إتوصلني لبيت أهلي صارلي من البارحة مشايفتهم
Iالتاء : تره اليوم ممسويتلك عشا.. جيب بدربك لفات فلافل
Iالثاء : ثلاث أسابيع صارلك ما مطلعني.. خلي بحسابك نطالع اليوم
Iالجيم: جيرانـّا ركبوا ستلايت يسحب شوتايم... دبرلي واحد مثل مالهم
Iالحاء: حبيبي..گلبي.. عيوني (شعجب!!!) ساعتي الأوميغا ضجت منها.. إشتريلي غيرها
Iالخاء: خابرتني أمك.. من حسها مبيّن عليها متنگة و گالبة خلقتها.. وتاليتهااااا
Iالدال: دورلنه على بيت جديد.. أريده لو بالمنصور لو بالجادرية
Iالذال: ذيج المرّه گلتلي راح أشتري سيارة جديدة.. أشو ما إشتريت؟؟ (تقصد قبل ثلاث سنين)
Iالراء : روح قدم على إجازة شهر خلي نطلع لعمان لو لسوريا لأن طگت روحي
Iالزاء : زيـّدلي مصروف البيت... ترة 15 ورقة مدتكفيني بالشهر
Iالسين: سجاد البيت يمكن صار قديم... شتگول لو انبدله كله ونشتري جديد ؟؟
Iالشين: شيل إبنك.. مدتشوفه طاگ من البچي.. مو تعبت آني من الجهال
Iالصاد: صفـّت هدومك من تنزعها وعلّگها بمكانها... مو ملـّت روحي وآني بس أصفّت وراك
Iالضاد: ضاع عمري من أول يوم اتزوجتك.. حطمتها لنفسيتي وما شفت يوم راحة وياك
Iالطاء : طلـّع الهدوم من الغسالة وشرها حتى تنشف... دا أتفرج سنوات الضياع
Iالظاء : ظاهر إنت متحبني، صار كم مرة ردت منك هدية ومتجيبلي.
Iالعين : عمتك اليوم خابرت وتعتب علينه ليش ما انزورها.. بلـّه هاي مو بطرانه !!
Iالغين : غيـّر قناة الأخبار.. گلبي خلصان.. شوفلي مهند ونور بده لو بعد ؟
Iالفاء : فهمت.. فهمت..كافي لا اتكمل.. لا اتوضّح.. راح أخابر أختك وأمري لله
Iالقاف: قدّر نفسيتي ووضعيتي..كل شغل البيت براسي.. راح أطگ
Iالكاف: كم مرة گلتلك.. ترة أمك متحبني ومااطيقني من اول يوم اتزوجنا.. ليش متصدكني؟؟
Iاللام : ليش أهلك عزموا بيت أخوك.. وما عزمونا !!؟؟
Iالميم : معقولة موبايلي صارلي شهر ما مبدّلته !!!.. إشتريلي واحد لاخ حبــّـاب
Iالنون : ناوي اليوم تتعارك وياية.. من الصباحيات معبـّس.. متگلي شبيك ؟؟
Iالهاء : همين ناسي عيد زواجنه مثل كل سنة.. حتى إتغلس على الهدية أكيد
Iالواو : ولدتْ أختي وجابت بنية.. حضّر نفسك نشتريلها هدية
Iالياء : يله حبيبي.. جا الصيف ويرادلنه سبلت ابو 3 طن.. اشتريلنه فد أربعه
ان شاء الله تعجبكم
من شموسه الاموره