طبقك اليوم يا ورده عراقيه

بالعافية عليكم الاكل الشهي ياوردات..
حنونة اني اتذكر هذه الصور بس صداقتنا حاليابالفيس بوك ملغية انت بعد ما موجودة عندي بلائحة الاصدقاء ما اعرف ليش...



اني سويت كيكة لعيد ميلاد صديقتي اني وصديقتنا الثالثة...

الصور الحفلة نزلتها كاملة على الفيس بوك اكيد شفتوها...

راح نفتح مشروع لكيك المناسبات..بعد مة تحيرون..هههههههه







By leloo1973 at 2012-01-15


By leloo1973 at 2012-01-15

شهرزاد ما شاء الله عاشت ايديكم شكلها ايجنن رهيب

بس نزلينا المقادير والطريقه بقسم المعجنات

واووووووووووووووووووووووو

فعلا عاشت ايدج شوشو اتخبل

عاش ذوقج

يسلمو حبيبتي

شهرزاد بغداد كتب:

بالعافية عليكم الاكل الشهي ياوردات..
حنونة اني اتذكر هذه الصور بس صداقتنا حاليابالفيس بوك ملغية انت بعد ما موجودة عندي بلائحة الاصدقاء ما اعرف ليش...



اني سويت كيكة لعيد ميلاد صديقتي اني وصديقتنا الثالثة...

الصور الحفلة نزلتها كاملة على الفيس بوك اكيد شفتوها...

راح نفتح مشروع لكيك المناسبات..بعد مة تحيرون..هههههههه







By leloo1973 at 2012-01-15


By leloo1973 at 2012-01-15

شوشو حبيبتي عاشت الايادي ماشاء الله عليج فنانه ومبدعه

وبالنسبه للفيس بوك صارلي هوايه مداخله قبل فتره دخلت شفت صور ابن عمي كان رايح للعراق

وملاحظت اذا كان اسمك مموجود ان شاء الله هسه افتح الفيس واشوف احتمال يمي موجود واذا ماكو ادخلك من جديد

شكرااااا حبي عالتنبيه

هلوووووووووووو وردات
شوشو الكيكه لا تعليق
اتخبلللللللللللللللللللللللللل
رهيبه ان شاء الله بيوم ذكرى زواجي اريد وحده منها
وفله حبيبتي بيوم خطوبتي سوتلي منها لكن ككاو تذكرين فله
سوتلياها طابقين
اتخبل كانت
اليوم طبقي رز مع فاصوليا يابسه

عاشت الا يدي الكل كلة يخبل

بس الا

اكاعدة اتغدة سلطة لهانة

اليوم سويت دجاج مشوي وبرغل احمر ..

شلون بيكم شهتوني وانا صارلي ثلاث ايام ما اتعشى وامشي بالليل
على كل حال عاشت ايديكم يخبل منظر الاكل
انا اليوم طبخت لعائلتي مطبك سمك على تمن شعلان
طلع الاكل يخبل يخبل يخبل

سماوي الف عافيه السمك المطبك اشلون تطبخي اتكدرين اتنزليلنا الطريقه لان كلش شهيتيني
وبعدين شنو تمن شعلان
هاي الفقرة جديده عليه
اليوم طبقي شويت دجاج مع البطاطا والفلفل
اتفضلوا معاي

شمس حبيبتي
اني شوفيني بعد من اليوم اكعد كلش عاقله لان السالفه بيها رشاشات وصويحبات
دادا شو هاي صارت السالف صدك
جاي شنهي
هههههههههههههههههههههههههه
ياعزيزتي تمن شعلان نوع من الرز الجوده العاليه وهو بسمتي حبه طويله
خفيف ولذيذ وشهي
اما طريقه الطبخ فجدا سهله وحلوة
السمك تغسليه وتقطعيه ويتبل بليمون وفلفل اسود وكاري وملح
تخليه فد ساعه
بعدين تجيبين ماعون بيه طخين وهم كاري وفلفل اسود
تحمين الزيت
تخلين قطعه السمك بالطحين بحيت تتغطى كلش زين وهذا حتى تحافظ على شكلها ماتذوب وحتى ماتلزك بالطاوة
بعد ماتكليها وتصير لونها ذهبي
تكونين منكعه التمن
جيبين فد راسين بصل وتقطعيهم شرائح
تحمريهم بالجدر بزيت قلي وزيت زيتون ...وقطعه ماجي
بس تشوفين لون البصل صار اشقر تاخذين قدر كفكير تمن منقوع وتخلطيه ويه البصل
بعدين تصفطين السمك المقلي وبعدين تخلين التمن المنقوع تخلين ويه بهارات برياني وكركم اصفر وكم حبه هيل (وهذا يخلي طعم التمن خرافي )
مع الملح وبعدين الماي
الى ان يغلى الماي تنصين الطباخ تالي تاخذين كيس نايلون ابيض ولازم ابيض تخليه على التمن حتى يتهدر على البخار
طبعا لازم وياه سلطه
عباره عن خس وطماطه وبصل اخضر
وبالعافيه
وبس تجون يمي الكم احلى مطبك سمك مني ياحلوات

شكرا لك سماوي حبيبتي ولله متقصرين
لكن اشلون يستوي الرز بدون تقليب وفي الطبقه السفلى سمكواشلون اتخلين ماء للرز والسمك موجود
لو اطبخ الرز وبعدين اخلي على السمك مو احسن
لو انتي مسويه الطبخه شنو رايك يا حلووووووووووووووة
على عناد تسواهن احنا ناكل سمك وهي كاعده تتعارك
ههههههههههههههههههههههههههه
شكرا لك سماوي

شمس فدوه لعينج كلبي لاتجيبن طاريها هسه تجي هي وجماعتها
يجعل كلامنا خفيف عليها
هههههههههههههههههههههههههههههههههه
حبيبتي هو انت من تخلين السمك وراهاتخلين الرز وتطبخيه عادي كأنه السمك ماموجود زتطبخين مثل لو كاعده تطبخين رز بس
ولما تشوفيه استوى تكلبيه للرز الطبقى العليا بس
ورح يستوي ليش مايستوي

الف عافيه عليكم الاكل كله يشهي

سما عاشت ايدج مطبك السمك طلش سهل ومبين طيب ان شاء الله فديوم اسوي نفس طريقتج

اني اليوم سويت تمن احمر ودجاج مشوي وسلطه والحمد لله على النعمه

غزل حبيبتي الف عافيه
بس ممكن تعلميني التمن الاحمر شلون ينطبخ
وعلى فكره كنت اسمع صديقاتي عراقيات كانو يكولون انه يطبخون تمن احمر مع بيتنجان
هاي شلون

حبي سماوي كلش سهل التمن الاحمر
اجيبين راس بصل وتحمسي كلش زين وبعدين اتخلين عصير طماطه لو معجون نفس مقادير طبخ التمن العادي بدل الماء معجون
يعني لو 3 اكواب رز اتخلين 3 كوب عصير طماطه ومن يفور المعجون اتخلين الرز بعد ميكون مغسول ومنقع
وتبدين كل شويه تقلبين الجدر يحب تقليب اهوايه
وملح شويه وفلفل اسود اشويه والف عافيه

طريقة عمل الرز الاحمر طريقة العمل:ناخد حاجتنا من الرز <يعني الكمية الي تعتقدين انها تكفيج>وتغسلين التمن بالماي بعدين حاولي تنقعين الرز لمدة نصف ساعة نضع القدر على النار ونضع فيه كمية من الزيت او الدهنوناخذ3 ملاعق اكل كبيرة من معجون الطماطة ونقلبهة بالزيت ونضع كمية من الماء بقدر كمية الرز يعني اذا كان عدنا 2كوب رز ناخذ معاه 2 كوب ماءوبعد ماخلينة الماء نضع ملقة طعام كبيرة من الملح ونغطي القدر الى ان يغلي الماء وبعدها نجيب الرز ونخليه بالقدر ونغطي القدر بالغطاءونتركه على النار ولمن نلاحظ ان الماي بدا يقل وراح يخلص الماي نقلل من النار الى ان تصبح على اقل درجة ونتركه مدة ربع ساعة الى ثلث ساعة لكن كل 10دقائق روحي يااختي وقلبي القدر حنى مايلتصق الرز بقاعدة القدر وبعد انتهاء المدة نزلي من النار وراح يكون طيب جدا يمكن تقديمة مع الافخاذ المقلية طيب كلش

تسلم الايادي عاش ذوقك ياورده

عاشت ايدج شموسة شن هل ابداعات بعافية

تعالي فراشه عازمتك على كل الاكل
انا بانتظارك يا ورده

كل ما احير شاطبخ ادخل هنا واخذلي فكرة..
وبعدين اقرر..عاشت ايدك شموسة على الموضوع الحلو..
بس اليوم الى هسة حايرة..
منو عدهة اقتراح؟؟

شكرا لك شوشو حبيبتي
اليوم طبقى برغل ومرق دجاج امر مع مكعبات البطاطا
الاولاد كلش يحبون هاي المرق بلدجاج والبطاطا وشويه تكون حاده وثخينه وحمره طوخ وشويه ثوم تطلع رهيبه الصلصه
والربغل ابيض
يله شوشو سهل وطيب وسريع
تعالوا وردتي يمنا اتفضلوا الف عافيه
ولله شوشو لو قريبه اطبخ وتعالي اخذي وروحي الف عافيه دلفري من شموسه
هههههههههههههههههههههههههههههههههههه

واااو الف عافية على قلوبكم حبيبتي ..شهريار اكلتة المفضلة هذه المرقة
وخاصة بالمواصفات اللي ذكرتيها..تسلم ايدج.. وشكرا على العرض المغري جدا
كولي همزين مو يمكي كان كل يوم اجي اخذ الغدا العصر من شموسة,ههههههههه

لا شوشو ليش همزين ولله اتمنى قريبه عليكم وتعالي اتغدي واخذي لشهريار وروحي
ترى هو نفس الجدر ماكو تعب بس زيدي الكميه نفس الوكفه ونفس الشغل
ان شاء الله تجيني واسويلك احلى طبق برغل

مشكورة حبيبتي والله من اهلها وانت قول وفعل ومعروفين بكرمكم شموسة وعلى كولة تسواهن بنت اجاويد...

ووله تسواهن حجاياتها تبقى بلذاكرة
ههههههههههههههههههههههههههههههههههههههههههههههههه
الله يخليله زلمته
هههههههههههههههههههههههههههههههههه
شكرا شوشو كلك ذوق حبي

شموسه الف عافيه مرق الدجاج طيب ايخبل كلش نحبه

سما حبيبتي التمن الاحمر كلش سهل مثل ما كتبت شموسه نحمس البصل المفروم ونحمس وياه معجون ونصب عليهم اما عصير الطماطه او مي وملح ومكعب ماجي الى ان يلغي نضيف الرز المنقوع ونقلبه وبعدين نحوله على نار هاديه والف عافيه

واني دائما اسوي وياه دجاج مشوي ومن اصب التمن اخلي الدجاج فوكاه وسلطه ويصير غداء طيب

صحه وهنا

اليوم طبقي وردات الحلوات
قيمه ورز
كلش طيبه طلعت رهيبه
وحامضه ولاجعه وبيه ريحه النومي بصرة كلش ظاهرة

صحة وصحتين وصحه ياعيوني
انا اليوم طبخت اكله فلسطينيه
المسخن
وهو عباره عن خبز تنور ينحمس كميه كبيره من البصل ويتخله عليه ودجاج
الاولاد وابوهم كالولي ماما الاكل اليوم رهيب
صحتين

شموسه اويلي القيمه اجنن الف عافيه على قلوبكم

سما بالعافيه المسخن اكيد طيب من ايدج

اليوم كنت طالعه وملحكت اطبخ والله شويت شيش طاووق وسلطه وهاهيه وطلع كلش طيب