اهلا وسهلا بكم في الخيمه العراقيه

أجمل من الورد
وأحلى من الشهد
ولا تحتاج لجهد
(سبحان الله وبحمده)





~¤ô¦¦§¦¦ô¤~ جمعة مباركة ~¤ô¦¦§¦¦ô¤~
أسأل الله الذي
جمعنا في دنيا
فانيه أن يجمعنا
ثانيه في جنة
قطوفها دانيه

~¤ô¦¦§¦¦ô¤~ جمعة مباركة ~¤ô¦¦§¦¦ô¤~
زودك الله من تقاك
ومن النار وقاك
و للفضيلة هداك
وللجنة دعاك
والفردوس مأواك

السلام عليكم ورحمة الله وبركاته
برنسيسات بعد متتغدون وتصلون صلاة الجمعه انشاء الله مقبوله
تعالوا نلتقى بالخيمه نشرب جاى ابو الهبل
اللى جابته البارحه تسواهن من الشورجه
هوايه نتشكر منها
وانى جبت الكم شويه حلويات انحلى بيها
ونتونس وحتى يعدين تسواهن شويه تهزلنا للكاع للكاع

شكرا لك كروانه
حلويات لذيذه
تعبناك معنا
تسواهن تعالي حبيبتي اتفضلي الحلويات كلها كدامج الف عافيه

اتشكر منج شميسه ولله بت اصول واجاويد لكن ما ارين من كروانه انتي جيبيلي وعزميني
وشلونج بنات اخبارجن
كاش واحشتني قيقاره اموتن عليه
ان شاء الله ترجع بالف سلامه

جبتلجن الطبله مالت حنينه خلينا اليوم اشويه ندك ونركص
يانايمات امهات النوم
كومي اشويه اتحركن ميتات على رجولتجن اشدعوه متشبعن ما يصير
خلن اشويه لنفسجن كرامه مو تلزكن بي من الصبح الى الليل
مثل لاله كاتي وقمر اليالي

• 
  
• 
  

وحنينه
كلش ماعاجبيني

اللهم اني اسألك بمحمد الحمد، لبيك غاية القصد لبيك سبيل الرشد اللهم اجعلنا في هذا اليوم وفي كل يوم مثله من سائر الايام ممن حقق اياتك بأيقان واجاب دعاتك بأيمان وارزقنا الفوز بفضلك ودار الاقامة في ظلك واسلكنا الخط المستقيم واعذنا من نار الجحيم واعد علينا من بركات هذا العيد السعيد و اليوم الجديد بأتم النعم واغزرها وازكى الحكم وازهرها واقرنا من وجودك ما لا نستحقه الا بجودك واعصمنا باليقين من الشك واحفظنا بالصدق من الافك ولا تزغ قلوبنا بعد اذ هديتنا وثبتنا على معرفتك واحسن اجتماعنا بأهل الاحسان والحقنا باخواننا الذين سبقونا بالايمان يا الله يا علي يا عظيم.

كل عام وانتم بالف خير
اشلونكم لى العيد السعيد
ان شاء الله دومكم بصحه وعافيه

هلو برنسيسات الخيمه
اشلونكم ايتها الرقيقات القارورات السعيدات
اشلونه العيد وياكم بالخيمه
انشاء الله متونسين
ودتاكلون كليجة العيد وكعك ابو السمسم وجاى ابو الهيل
والنركيله محضرتها تسواهن
والله مبينه هى صاحبة مزاج
وانشاء الله تسواهن تحضر المنقله والفحم حتى نشوى كباب
ونخدر الجاى عليها ونتدفى وياكم والكعدة تصير احلى بحبايب الخيمه
الله يدومها علينا انشاء الله
قبلاتى لكم جميعا
بحبكم من البى

شنومعنى اكباب كروانه
خخخخخخخخخخخخخخخخخخخخ
خاف قصدك كباب

هلو برنسيسات اشلونكم فى هذه الجمعه انشاء الله مباركه عليكم
قيثارة وحشتينا انشاء الله ترجعيلنا بالسلامه وتعزفيلنا
احلى الالحان وتنورين منتدى ورود اللى كلهم بنتظارج
سلامى لكل البرنسيسات الناعمات
شموسه وملاك الحب
حنون قلب وسارة
عيون حلوة وتذوب وتسواهن
لولو كاتى وقمر الليالى
انشاء الله كلنا نلتقى على بركة الله

هلو بنات اشلونكم انشاء الله الكل بخير
اشتاقيتلكم كلكم كلش هوايه
قيثارتنا الحبيبه اشوكت ترجعين كلنا يانتظار عزفج الدافئ الحنون
وقلب حنو اشوكت تنطلقين وتجين يمنا ننتظرج يااحلى قلب
وترتاحين من عمج وطلباته كلش نحبج ونريدج تجين بسرعه
بعد منتحمل اكثر على فراقج
لولو كاتى الحمد لله غردت وجتى يمنا وخلصت من مرت عمها
وحبى وقبلاتى لباقى البرنسيسات



شموسه وملاك الحب
وعيون حلوة وتذوب وسارة
ووردة حبيبى وجنون انثى بينوا وطلوا علينا
زرونا بالسنه مرة حرام تنسونا بالمرة
ياغايب ليه ماتسال احبابك والله يحبونك
وميناموا الليل من دونك واحنا بنفكر فيكم
قمر الليالى حياتى الله يسهل عليج وتخلصين ايام الحمل بالسلامه انشاء الله
اهوه دائما انسى البرنسيسه تسواهن
لكن هى موجوده بقلبى
وسلام مربع لحلوة الحلوات تسواهن العصبيه
قبلاتى لك يالغاليه
انشاء الله نلتقى كلنا على المحبه والولاء
فى الكهوة والخيمه والدردشه

هلوووووووووووووو بنات
ادام الله لكم الاعياد دهورا
والبسكم من تقواه نورا
عيدكم مبا ر ك
مشتاقتلكم وحده وحده
سلامي وقبلاتي للجميع

مساء الخير على الحلوين
اشلونكم بنات انشاء الله الكل بخير
اليوم المنتدى منور بوجود الحبيبه الغاليه على قلوبنا
قيثارة الحب وقيثارة المنتدى اللى ميكدر يستغنى عنها
ومرة ثانيه الحمد على السلامه يجايه من السفر
وقبلاتى لكل البرنسيسات
بحبكم من البى

شكرا لك شمسمس على تعبك معى
فى اختيار التوقيع الجديد وكلش حلو
لكن تعرفين مامعنى سقوط الورده الحمراء وتساقط
اوراقها لقد سمعت بانها تدل على الفراق بين المحبين
لاسامح الله وكل شيء بيد الله
تسلمين يااحلى شمس

كروانه الف شكر حياتي على كلامك العسل
الله يديم المحبه والاخوه بينا
انتم نعم الخوات ونعم الصديقات احبكم من قلبي
سلامي وقبلاتي للجميع

السلام عليكم برنسيسات
شنو هاللمة الحلوة
جبتلكم يوتيوب ابو نعال الضايجين والي يردون يضحكوم يجون هنا
هاي يشمرون علي حجار وهو ايصير عصبي وايكوم ايفشر
ميدري ديصوروا
https://www.youtube.com/watch?v=rY09ui_RVbw&feature=related

شكرا شموسة حبيبتي عالتوقيع الكيوت مثلك

اما الي ايدور رومانسية يجي هنا اكيد مع خوليو

وايضا لمحبي الرومانسية وهدوء الاعصاب اهديهم معزوفات ريتشارد كلاديرمان وخاصة هاذي المعزوفة الشهيرة
https://www.youtube.com/watch?v=VofLbnNronk&list=MLGxdCwVVULXdn9NflJpZgvSf1ArETW1bC&playnext=2

صباح الخير
اشلونكم بنات اخباركم
منوره ولله اليوم بدخول لولوكاتي وسوتنا حركه بيها
شكرا لولوكاتي الرابط مالت ابو نعال
كلش حلووووووووووو ويضحك
لكن ولله اتعجبت شنو هذا باي عالم
خطيه
ويونس اما رابط خوليوا مطلع يمي شوفي شنو الفلم مالته
واربط ريجارد رهيب كلش حلوووووووووووووووووووو عاشت ايدك ولله يخبل
اكيد راح انشوف الاحلى والامتع من لولوكاتي

صباح الخير علة عيون كل الحلوات البرنسيسات
شموسة شكرا عالكومينت الحلو عاليوتيوبات بالنسبة لابو نعال هو عايش بالناصرية مثل مشفتي
ورابط خوليو موجود وهسة اعيدةهنا


https://www.youtube.com/watch?v=nC54xWcvXBw&feature=related

ايييييييييييييييييييييييييييييي
طلع حلوووووووووووووووووووووووووووووووو
رهيب كلش عجبني

مساكم الله بالخير
ليش الخيمه فارغه يمكن الجو بارد
وماعدنا حطب ومنقله
من يوم تسواهن سافرت بعد محد يحضرنا الخيمه
جانت هى الله يذكرها بالخير
تشجر التنور وتشعل الفحم بالمنقله
وتخدر جاى ابو الهيل
وتسكف السمج وتسمط الباجه والدجاج
انشاء الله ترجعلنا بالسلامه
سلامى لكم جميعا
وتصبحون على خير وسعاده
نوما هادئا واحلاما سعيده
انشاء الله

خخخخخخخخخخخخخخخخخخخخخخخ
لا خطيه اشبقيتيله
كل الغل عليهه
ولله لو تجي وتقرا هيجي كايله عليه لتلعب طوبه بيج
شمو عدها الف ايد المسكينه
لا خطيه حبيبتي كلش اشتاقيتلهه
اخباركم بنات ان شاء الله كلكم بالف خير
سلامي لكم جميعا

تعالن صوحباتي جبتلجن خبز حار ومجسب
على عناد كروانه ولخاطر شميسه
اموتن على شميسه

وبتلجن اليوم الحلووووووووووووووو
كله على حسابي
واهادي الو البزونه الي جتي ضيف عدنا لازم اهاديهه واضيفه

كروانه هاي تصوير بتي الصغيره
اسمه اخرهن
وهاي الي وكهت من المرجوحه انتي ردتي تصويره
وعمره سنه و5 شهور

وهاي اغلاهن عمرهه سنتين وخمس شهور