فطورك اليوم ياورده

https://2img.net/r/ihimizer/img94/4131/p1000560n.jpg


شهرزاد حبيبتي هذا الي طلع معي من نسخ الصورة
القطايف شكلها يشهي
بس ياحبيبتي لما تعدين العجينه
انت قلت لشمس انه ماتخلين شي على الطاوة
هو ياحبيبتي تجيبين قطنه وتطمسينها شويه بالزيت
وتدهني بيها الطاوة وتكرريها مع كل حبة قطايف
حتى تعطي لون حلو للقطايف ويستويها وما تلزق بالطاوة
هذا وحدة
الشي الثاني
انا دة اشوف بالصور الي حاطتهم انت وشمس
انو القطايف دة تخلوها نيئ يعني مو مسوين اله شي
هو ياعزيزتي اما يتكلى بالزيت او ينشوي
وبعدين يتخلى يالشيرة والي تكون مو كلش ثكيلة ولا خفيفة يعني وسط

اي حبيبتي هذا اللنك استنسخيه
copy

ثم اضغطي على على الايقونة التالية



ثم اعملي لصق
paste

ثم اضغطي نعم بعدها معاينة لمعاينة النتائج واذا ضهرت الصورة اعملي ارسال

ان شاء الله تنجح عندك ياوردة

بالنسبة لعمل القطايف شكرا كثير سمسومة لان اني لاحظت انه القطايف اما تطلع تحتها ابيض لو يابس شوية
فالضاهرلان مة خليت زيت
بس اني اضوج من الدخان اللي يطلع من الزيت
وبالنسبة للشوي او القلي اكيد قبل مة نحشيها بالقشطة
وبالنسبة الك وحسب تجاربك ياهو اطيب قلي لو شوي؟
بس هي بدون قلي وشوي هم طيبة
لكن المرة الجاية راح اقليها واشوف
شكرا الكم كلكم حبيباتي...

شهرزاد حبيبتي هم فشلت بالارسال
يابة دخلوني بالطبخ اني والكمبيوتر وين
ههههههههههههههه
حبيبتي مارح يطلع دخان بالعكس نظيف جدا
وخلي ندى لمن تحكي معها تعلمك الطريقة كما انزلت لان هي اشطر مني بصب القطايف
اما بالنسبة ياهو اطيب شوي او قلي
حبيبتي حسب الرغبة
وحسب الحشوة
حشوة القيمر او القشطة تشويها بعد ماتسديها ع النص
وبعدين تحشيها
اما حشوة الجوز +شوية سكر+دارسين شويه
تغلقيها تماما وتقليها
لان شويها خليها شويه طريه
بس القلي يخليها مكسبة من برة وطريه من جوة
ولو هولندا يمنا
كان وديت لك وضوكتك
هههههههه
وانا متاكدة انو رح تبدعين فيها
لان انت ماشالله عنك كلش بديعة بالطبخ

لا حبيبتي سمسومة راح تتعلمي تنزيل الصور كلش سهلة
ان شاء الله
هذي وحدة بالنسبة لصب القطايف راح اسئل حبيبتنا نداوي الحلوة باقرب وقت
واليوم كنت على اليو تيوب وشفت تقرير عن القطايف منزلته قناة الجزيرة
والحلواني قال القطايف العصافيري اللي تنسد نص وتنحشي قشطة هذه بتتقدم نية
لا مشوية ولا مقلية
واللي تنحشي جوز لو جبن تنقلي بعد ان تنحشي
وتكون حجمها اكبر من العصافيري الصغيرة
والله تعلمت هواية عن القطايف راح افتح محل حلواني بالسنتر مالتنا
هههههههه

ياجماعة طموحي من افتح المحل اصير مثل هذا المعلم
شوفوه لة يفوتكم

هههههههههههههههههههههههههههههههههه
اويلي ويضحك وهادي ولا اعصاب وشغل مرتب ونظيف وسريع وحلوووووووووووو وشاطر ما شاء الله عليه
ولله تسواهن حتى الفديدوا مالت القطايف جابولك بعد شتردين وبعد شويه نعلي بصفحتنه
هههههههههههههههههههههههههههههههههههههههه
الكل مخبوصين وحايرين بلقطايف ومو مشكله المشكلة اني كلش اشتهيت واخاف اجربها ورمضان وماعندي وكت ووووووووووو
كل ما ادخل صفحة القطايف اطلع بسرعه اخاف ليطلع بلبيبي
هههههههههههههههههههههههههههههه

هلوووووووووووووووووو وردات اشلونكم
اليوم فطوري فريكة بلدجاج
والحلو حلاوة جزر
اتفضلو معي

[size=25]

الفريكه بالدجاج طبق اردني شهير ولذيذ جدا رح نزله لعيون احلى الوردات


طبعا بيصير ينعمل باللحمه وكلو حسب الرغبه
المقادير حسب افراد الاسره



دجاج مغسل ومقطع




فريكه خشنه


حمص حب مسلوق

لوز لحمه مفرومه سن خشن


زيت ذره او سمن بلدي كميه قليله
ماجي ملح فلفل اسود ورق غار قرفه ناعمه


بصله متوسطه



بسم الله نبدا






ننقع الفريكه بالماء الدافئ نصف ساعه ونتركها جانبا


وطبعا بهاي الوصفه بالذات لازم فريكه خشنه والشوربه بتنعمل بالفريكه الناعمه

نفرم البصله ونشوحها على النار بالسمنه او الزيت لحتى تشقر

نضيف قطع الدجاج ونقلبها لحتى تتحمر قليلا قليلا



نضيف الملح والماجي وباقي التوابل المذكوره
نضيف كميه مناسبه من الماء ونتركها تغلي لحتى تقارب على الاستواء


مو تستوي كتير لانو بدنا نحطها مع الفريكه
بعد هيك نقلي الدجاج ونصفيه من الزيت
نغسل الفريكه ونتخلص من اي شئ عالق على سطح ماؤها اولا
نرش بقعر الطنجره رشة فريكه خفيفه
نرتب قطع الدجاج المقلي والحمص الحب


نضيف باقي الفريكه على المقادير
نصفي ماء سلق الدجاج من الشوائب والبصل ونضيفه على الفريكه



ن.ط الملح ونشوف اذا بدها زيت والا لا ونعمل اللازم



نغطي الطنجره ونضعها على نار متوسطه ولما تبلش تغلي
نوطي النار ونراقبها باستمرار
لانو الفريكه بدها عنايه لحتى ما تخبص معنا
[/size][/size][/size]

طريقه عمل حلاوة الجزر العراقية

المقاديــر :



كجم جزر مبشور ؛ 2و1/2 كوب سكر ؛كوب ماء

1/4 كوب زيت ؛ ملعقة أكل نشا حسب الرغبه

(ناس تحط نشا وناس لأ)

ملعقه صغير هيل ؛ عصير 1/2 ليمونه صغيره

جوز (عين جمل) للوجه

التحضيــر :

ينزل الجزر في حله بدون زيت الأول... ويقلب

لمدة 5 دقائق على نار متوسطه

ثم يضاف الزيت ويقلب بإستمرار (كي لا يحترق)

حتى يصبح لونه غامق (بني فاتح) وسيغمق

أكثر عند إضافة الشربات

يضاف النشا ويقلب حتى يختلط تماما + الشربات

ويحرك ليغلي لمدة 3 دقائق تقريبا حتى يتجانس

(طبعا يحضر الشربات من الماء والسكر وبعد

الغليان 10 دقائق على نار هادئه يضاف عصيرالليمون

ويغلى لدقيقه ويضاف الهيل ويرفع)

لو حابين تزيدوا كمية الهيل يكون أحلى طبعا

في العراق بنستعمل الهيل في كل حاجه

وبكثره

ياهلا بنور المنتدى وبالجايبة احلى واشهى الاكلات
تسلم الايدي
وبالنسبة للفريكة اكلتها بمطعم ببلودان بسوريا والله من اشهى ما اكلت الى هسة اتذكر طعمها
كان مع اللحم شي خيالي
احلى الاكلات واشهاها
تسلمين يا وردة

اليوم راح اسوي بيتزا
والحلو بعدني مة مفكرة بيه
فطور شهي للجميع

هلووووووووووووووو شوشو
ولله الفريكه هسه من سافر الحاج الى عمان وصيته جابلي كيلوا وبقيته الى شهر رمضان كلش احبهه والاولاد نفس الشى يحبوهه سواء تطبيق او شوربه والشوربه اتخبل من تستوي وتفركعيله بصل مع الثوم والزيت اتخبل
مكانج خالي
والحلاوة جربتها كلش ناجحه وتخبل
تعالوا فطروا معنا وعندي بعد فريكه
ههههههههههههههههههههههههههههههههههههه
للمره القادنه
وبلهنا والشفاء عليكم البيتزا واني اكلت يمك بيتزا اتخل كانت رهيبه وخاصة ام الزيتون
والى هسه مينا يذكرها
وينج تسواهن هسه تجي اتكول شنو فريكه اويلييييييييييييييييييييييييييييييييييي
هههههههههههههههه

هلووووووووووووووو
ولله البارحة طلعت الفريكه اتخبل اتجنن
كلش حبيناها
واليوم بعدني حايره لازم اخذ راي الجماهير والى هسه نايمين
نوم العوافي على قلوبهم
لان فطوري بي استفتاء واراء
واشوف الراي والاسهل لي اسوي
ههههههههههههههههههههههههههههههه
ان شاء الله ارجعلكم اشوف انتوا شنو فطوركم
باي

شمس الشموسه
انا زعلانه منك
هيج ياحلوة يجي الحجي للاردن وماتكولين
على اقل انقوم بواجبه
ونودي صوغة هدية الك وللجهال
عفى عليج
عتبي عليج جبير ياقليبي

هلوووووووووووووووو سماوي الحلوه اشلونك
لا حبيبتي ميفيد الحجي بس صوغات وهدايا اني ان شاء الله من اجي حتة هم عزيمه وصوغات
هههههههههههههههههههههههههههههههههههههههههههههههه
شكرا لك حبيبتي ولله متقصرين ان شاء الله اول ما افكر اجي لعمان انتي اول وحده تعرفين حتى اتعزميني
ههههههههههههههههههههه
وعندي بعمان بنت اختي لولوكاتي ان شاء الله تتعرفون على بعضكم وهي ساكنه بعمان بخلده
ان شاء الله باقرب فرصه نتشاوف
شكرا لك وشكرا لحسن الضيافة مقدما
لكن مكلتي شنو فطوركم اليوم
اني فطوري دجاج مع الز والجزر وشوربة عدس

والله ياعمري ياشموسة فطوري
برياني ودجاج مشوي
والشوربه عدس
اما الحلو قطايف
تفضلي معنا انت وكل الوردات

بلعافية فطورجن وريدات
انه فطرت اليوم باميه وتمن وتشريب ابيض وحمصات وياه
سميه انه هم اجيج لعمان وصوغيني وتصوغين بنياتي وانه اريدن اكل مسف اردني كلش اهوايه اسمع علية
مو بس تعزمين اشميسة
اذا ماتعزمني ترى احسدجن واخلي جدرجن يحترك وماتاكلن العزيمه تروح اي مو انه اشور ترى
مو انه وياج صوحبات وكلش احبج من روحيتي
وفد مرة عزمي شيره هم صوحبتنا وسويلنا قنايف ام الكيمر مو تنسين
وبالدور هم ايبن ابو احلاهن من تشوفين اتكولين سبحان الخالك يمة فدوه اروحله يخبل
اتشكر منج واروحن احضر سحور للبنيات اي مو كلنا صايمين
معد سلامة

حبيبتي تسواهن
دادا اذا ماتشيلج الكاع بويه
اتشيلج عيوني ياكليبي
وداعت احلاهن ومصطفى احلى منسف اسويلج بس تيجين يمي
وقنايف هم يابعد جلاي
يابعد هلي وطوايفي
موتدللين ..انت بس ارضي
وهم نعزم شيرة انه منو الي غيرجن
يارويحتي انت

هلو نواعم مسائكم سعيدا
اليوم فطورى انشاء الله معلاك واجنحه مشويه
ودولمه وسلطه وعصير تمر هندى
والحلو سويت مربعات النوتيلا جدا لذيذة وطريقتها سهله وناحجه
البارحه سويتها





مربعات النوتيلا




المقادير

اصبع زبده بارده
كوب و ربع دقيق
ربع كوب سكر
خمس حبات جبن كيري (او جبن مثلثات)
فانيلا
نوتيلا طبعاً
الطريقه :
اول شي نقطع الزبده مكعبات صغيره ونضيفها على الدقيق في الخلاط ونشغل الخلاط شوي


تصير مفتفته مثل هنا .. اللي ماعندها الخلاط ممكن باليد تفرك


نضيف لها السكر و الفانيلا والجبن ونعجنها ... مع هالحر ممكن تصير لينه مرره حطيها شوي في الثلاجه لو حسيتها مره لينه


نفردها بين كيسين نايلون او ورق زبده




هنا ان شاء الله تصير اوضح



نقطعها مربعات ونحشيها بنوتيلا من الوسط ..




هنا خلصت .. طبعا انا حاطه ورق زبده .. بس العجينه مليانه زبده فما يحتاج اصلا .. يعني ممكن تستغنين عنه



النهايه

واووووووووووووووووووو
سهلة مبين عليها وطيبه
ونجحت عند بلعافيه
اني البارحه سويت حلاوة جزر طلعت رهيبة اتخبل
ناجحة مئة بلمئة
جربها الطريقة عندك
عافيات على قلوبكم

سما مصطفى كتب:

حبيبتي تسواهن
دادا اذا ماتشيلج الكاع بويه
اتشيلج عيوني ياكليبي
وداعت احلاهن ومصطفى احلى منسف اسويلج بس تيجين يمي
وقنايف هم يابعد جلاي
يابعد هلي وطوايفي
موتدللين ..انت بس ارضي
وهم نعزم شيرة انه منو الي غيرجن
يارويحتي انت

مستحيل سماوي انتي اضبط من تسواهن
شنو منيلك هاي اللغه اتخبل اشلون اتعلمتيها
كل ما ادخل الموقع اول شى اقراء الموضوع واضحك
اتكدرين اشويه اتعلميني بعض الكلمات حتى اكدر احجي وياها
سماوي شنو معناه يابعد هلي وطوايفي
عباره قويه ومستحيل انتي رهيبة بهذة اللغه

الله الله والله مبدعات عاشت ايدكم
تسواهن شكرا لان تنغصتي اللي وياك لعمان ان شاء الله فد مرة صدك نروح...
وحلاوة الجزر طريقتها مضبوطة مية بالمية تسلم ايدك شموسة
ومربعات النوتلا مبينة طيبة تسلم ايدك نجومة..

شموسه حبيبتي
انت تعرفين انا مو عراقية
لكن حبي الشديد للعراق واهله
الطيبين الكرام خلاني اضبط لهجته
لهجة اهل الجنوب وشرق العراق تعلمتها ايام الجامعة من زملاء الي فيها
يابعد كليبي وجلاي
اما كلمه يا بعد هلي وطوايفي
فالمقصود بيها اشكد عزيزين هم الاهل
لكن انت معزةتك تيجي بعد معزة الاهل مباشرة
وبعد جلاي .....بعد الكلية
وبعد كليبي ...بعد قلبي

والله موسوعة انت يا سمسومة ملمة بكثير من المعلومات ما شاء الله..

اليوم سويت البرياني الهندي على طريقة شموسة اللي منزلتها بهذا الموضوع بس على دجاج..
بس اني مة سلقت الدجاج ولكن حمستة مع البصل والثوم والبطاطا وبقية المواد..
والتمن مة سلقته وانما طبقته ومن نشف مائه قسمته وضفت الدجاج
وغطيتها بالقسم الثاني من التمن وبقيتها يتهدر على كيفة..

وهو هسة على النار..ريحتة ولا اطيب ....

الحلو البارحة
كان حلاوة شعرية طلعت مو كلش طيبة وليالي لبنان بسيطة وسريعة و كانت طيبة....
تمنياتي بافطار شهي للجميع...

هلووووووووووو حبايب

البارحه كان عندي عزيمه وطبعا تعبت لكن الاكل طلع رهيب وعجبهم كلش

سويت برياني على لحم

وتبسي باذنجان على دجاج مشوي

ومكرونه باللحم المفروم

وشوربه عدس

وبورك وكباب مشوي

وسلاطه ولبن

وعصائر

وصارت سفره ما شاء الله

اما الحلو سويت ترايفل محلبي وجلي على كيك ومبروش وصار كلش طيب

وبالعافيه عليهم يستاهلون العزيمه والتعب

وبقه هوايه اكل لليوم وابد ما طبخت اخذت راحه اليوم

بالعافيه على الجميع الفطور

واوووووووووووووو غزل شنو هاي العزيمه اتخبل وشهيتيني
الاكل الطيب من النفس الطيبه الف عافيه على قلوبكم
شهرزاد بس الريحه كتيلنا علية كن الطعم اشلونه وناحجه الطريقه عندك ان شاء الله نسمع منك
الف عافيه على قلوبكم واكيد شهريار حبها صحتين على قلوبكم
سماوي احلى لغه واحلى ترجمه شكرا لك ولله شاطرة ما شاء الله عليك
اليوم فطور كان سبانغ مع الرز وجلفراي احمر
وكان الفطور اليوم خفيف على القلب والحلو كان ايس كريم بلشكلاته

شموسه عاشت ايدج على حلاوه الجزر سويتها البارجه على طريقتج وطلعت كلش طيبه

وسويت تبسي بطاطه محشيه باللحم المفروم والبصل والبقدونس بصراحه كنت ناسيته بس شفت بالتلفزيون الشيف سواه وتذكرت وطلع رهيب كلش طيب

مع الرز وكان الفطور طيب

الف عافيه على الكل الفطور

الف عافية غزل حبيبتي ولله اني هم جربتها صارت اتخبل بحيث الخطار من طلعوا اخذوا معهم بلم وطلعوا لان الكمية صارت عندي بلمين
لكن ولله ناجحه كلش الف عافيه ان شاء الله الزوج اكل حلاوة جزر اي مو لازم يتغذى برمضان اهم شى الحلوووووو
هههههههههههههههههههه
اليوم فطوري مقلوبه دجاج وبتنجان
والحلوووووووووووو كيك بلشكلاتة
اتفضلو معي الف عافيه
طريق عمل المقلوبة

المقادير
دجاج حسب العدد حوالى دجاجتين مقطعه ارباع ومغسوله بالملح والدقيق ونتبلها كويس بالبهارات المشكله والملح والفلفل





بصل مقطع شرايح -ثوم مفروم -جنزبيل مفروم- جزر مقطع حلقات



زهره مقطعه الى زهرات ومسلوقه ونحمرها -باذنجان مقطع شرايح ونحمره -بطاطس مقطعه شرايح ونحمرها





التوابل
ملح-فلفل اسود- قرفه -كركم -كارى -بهارات مشكله-قرنفل-حبهان- لومى مطحون






الطريقه



اولا الفراخ بعد ماتبلناها كويس نحطها فى حله تيفال على النار ونضع البصل
عليها ومعلقتين سمن ونقلبها شويه على النار ثم نضيف الثوم والجنزبيل
ونتركها على نار هادئه لحد ماتقرب تستوى شويه





وبعدين نبدا نتبل الزهره والباذنجان والبطاطس بعد ماقليناهم بالتوابل وبعدين نبدا نحطهم على الفراخ اولا نضع الزهره والجزر




وبعدين نحط الباذنجان والبطاطس



نجيب كوبايتين رز بسمتى ونغسلهم وننقعهم كويس ونحطهم عليهم بالشكل ده




وبعدين نحط عليها مرقه تكون فيها حبهان وقرنفل ونحط التوابل اللى نفضلها
انا بحط ملح وكركم علشان اللون الاصفر وقرفه وتوابل مشكله واغطيها بالمرقه
واسيبها على نار عاليه لحد ماتتشرب وبعدين اوطى النار عليها






وبعدين اقلبها فى طبق التقديم وازينها بالمكسرات المحمصه والبقدونس وده شكلها النهائئ
ايه رايكو ياحلوين

غزل اشلون تبسي بطاطا يعني البطاطا تحشيها اتكدرين اتكتبيلنا الطريق اذا عندك وكت
الف عافيه لفطورك الشهي

مسائكم معطر بالهيل وماء الورد...

شموسة حياتي بالنسبة للبرياني مة طلع مثل الصورة
بس ريحتة تجنن وطعمة كلش طيب بس لان اني
عملت التمن بغير طريقة طلع التمن مستوي زايد
مو معجن بس مو الحبة بحبتها مثل الصورة..ولونة طلع على احمر مو على اصفر
المرة الجاية ان شاء الله من اسوي اقلل المعجون واطبخ التمن مثل مة مكتوب...

بالعافية على غزل البطاطا المحشية
وبالعافية العزومة
وعاشت ايدكي شموسة عى الحلاوة
البارحة سويت زلابية






ومقاديرها سهلة ومضبوطة كوب طحين وكوب نشاء وكوب ونصف ماء دافئ وملعقة كوب خميرة
تخلط معا وتترك تختمر فد ساعة ثم تقلى وتوضع بالشيرة شوية ثخينة

اليوم راح اسوي شوربة عدس
واكلة سورينامية اسمها روتي مكونة من صدور دجاج محموسة وية الفاصوليا الخضرة والبطاطا والبصل والثوم وبهاراتها كاري
تؤكل بالخبز

الف عافية عليكم فطوركم