كل وحدة تحب الدولمة تدخل اتشوف شغل ايدي

صباح الخير بنات شلونكم
اليوم سويت دولمة اتخبل وحبيت اشاركم اياها
طبعا ماكو بنية عراقية متعرف اتلف دولمة او متعرف مكوناتها بس تبقى كل وحدة وطريقتها ونكتها الخاصة ان شاء الله تعجبكم

المكونات
1-سلق
2-لهانة
3-بصل للحشوة ولللف
4-لحم
5-باقلاء للقاعدة
6-معدنوس او كرفس للحشوة
7-طماطم
8-ثوم
9-بطاطة\باذنجان
10-ملح\بهار\معجون طماطم\زيت\حامض
11-رز للحشوة




طريقتي للدولمة
1-اسلق الباقلاء واخليها على جهة




2-ابدي افرم البصل والثوم وبعدين الطماطم وبعدين المعدنوس او الكرفس...
تابعو ويايا الصور




3-هسة اخلي الرز طبعا ورا ماغسلتة كلش زين ونقعتة لفترة قبل لا اخلي ويا المكونات البقية


4-اخلي اللحم ومعجون الطماطم والبهار والحامض والفلفل الاسود



5-طبعا بهاي الفترة اني سلقت البصل على نار هادئنة بعد معملت شق طولي بيه حتى يسهل عملية الطبخ \وذبلت السلق والهانة بماء دافئ حتى ينلف بسهولة


6-اخلي زيت بقاع القالب واسخنة شوية بعدين اضيف الباقلاء عليه




7-هسة ابدي احشيء المكونات كما ترتيب الصور
البصل
(طبعا اني فرشت جرايد على الميز حتى ميتوسخ )




البطاطة والباذنجان



السلق والهانة


واخر شيء اخلي عضود السلق لان زوجي كلش يحبها



-اخليها على نار هادئة حتى تتسبك وبعدين اضيف الصلصة الي هي شوية مي ومعجون طماطة وفلفل اسود وحامض واخليها تغلي لحد متبدي الصلصة شوية تثخن وتبدي تقل كميتها.....



وهذا شكلها النهائي