| اذا ضايجة تعالي فضفضي | |
|
+2الياقوته الحمراء شهرزاد بغداد 6 مشترك |
|
كاتب الموضوع | رسالة |
---|
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: اذا ضايجة تعالي فضفضي الأحد نوفمبر 18, 2012 3:16 am | |
| | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الأحد نوفمبر 18, 2012 3:17 am | |
| هذا موضوع جديد بالخيمة الاجتماعية كل وردة ضايجة وتريد تشاركنا بموضوع ضوجتها تجي تكتبة ونتبادل الاراء والخبرات شنو رأيكم؟؟ | |
|
| |
الياقوته الحمراء المشرفة ملكة المنتدى
عدد المساهمات : 3529 نقاط : 4275 تاريخ التسجيل : 03/10/2010
| موضوع: رد: اذا ضايجة تعالي فضفضي الأحد نوفمبر 18, 2012 5:43 am | |
| احسنتى شهرزاد لهذا الاختيار تعرفين توجد كثير من الامور اللى نضوج منها ونحب نحكيها الى اقرب الناس النا حتى هم نرتاح ونجد لها حلولا ويمكن اكو الشغلات متحتاج هلكد نفكر بيها وبالنسبه الى دائما احب افضفض واخذ راى الاخر ودايما ارتاح نفسيا وتوجد امور اذا نبقى نضمها ومنفضفض بيها تتحول الى امراض نفسيه والعياذ بالله بارك الله فيك مصممتنا الورده | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الأحد نوفمبر 18, 2012 5:51 am | |
| ياقوتتنا البراقة كما هو دائما يسطع نور بريقكي في مواضيعي.. الصورة معبرة جدا مشكورة على الكلام والتشجيع.. كلنا تاتي عليه لحظات يريد ان يفضفض وحتى بابسط المواضيع .. مشكورة على المرور الرائع | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي الإثنين نوفمبر 19, 2012 6:19 am | |
| حلووووووووووووو الموضوع ومهم جدا بلموقع ان شاء الله كل ورده تجي اتفضفض الي عندها ونتواصل بكل الامور الخاصه والعامه | |
|
| |
تسواهن عضوة ذهبية
عدد المساهمات : 1186 نقاط : 1305 تاريخ التسجيل : 13/10/2010
| موضوع: رد: اذا ضايجة تعالي فضفضي الإثنين نوفمبر 19, 2012 8:02 am | |
| لا عويناتي انتن انه افضفض لنصيف وبس جا شنهي الغصه شهيرة اجي احجيلجن والكل يشوفن الحجي وكل وحيده بعدين اصير عالمه برويس | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الثلاثاء نوفمبر 20, 2012 8:05 am | |
| اي عيني تسواهن لة تدوخينا بسوالفج اللي تضوجج
دوخي بيها نصيف المسكين
احنة من تضوجينا نجي اهنا نفضفض | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الثلاثاء نوفمبر 20, 2012 11:21 am | |
| ههههههههههههههههههههه حلو ردك لتسواهن والله ضحكتيني شهرزاد فعلا موضوع حلو ويستحق التقييم والتثبيت بانتظار اول وحده تيجي ونتناقش معاهه | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الأربعاء نوفمبر 21, 2012 1:40 am | |
| راح اكون اول وحدة افضفض ,لان اليوم من الصبح كلش انخثيت. الموضوع يتعلق بسندية حبيبة قلبي . اكو وحدة وياها بالصف من بداية السنة تكولها على ملابسها كلمة "ليلك" (تعني مة حلو بالعربي) على ملابسها وسندي كلش متأثرة بالموضوع. حكيت بلطف وية الطفلة اسمها " تس"( بفتح التاء) لكن ما فاد والمشكلة بدت تتطور. صار عندي كل يوم مشكلة الصبح من لازم سندي تبدل وتروح للمدرسة ,تبدي تعاند وتبكي وتتنحس وتقول " لا ما البس هذا مو تس تقول علية مة حلوة" وانتوا تخيلوا اشلون اصير اعصاب ولازم الزم نفسي والوقت يمشي ولازم نروح للمدرسة بوقتنا وهذه الحالة المتعبة للنفسية والاعصاب .. حكيت مع المعلمة كحل ثاني والمعلمة سمعت مني وطبعا هم هنا روعة بهذه المواقف احنة نفتقدها ببلدنا للاسف يحتوون المواقف .. جعلت المعلمة هذا الموضوع موضوع جلسة الصباح بصورة عامة من انه غير مقبول انكم تقولون لبعض هذه الكلمات كموضوع عام بدون ذكر اسماء ,وبعدها وعلى صفحة بدون مة يحسون البقية استفسرت من سندي على صفحة من الموضوع واخذت معلومات واستفسرت من تس على صفحة وواجهتها بالمعلومات ولمن اتاكدت انه تس غلطانة طلبت من تس تعتذر لسندي وبعد مة تسوي وفعلا اعتذرت من سندي ورجعت سندي فرحانة وعبالي المشكلة انتهت. لكن للاسف عادت المشكلة بعدها وسندي رجعت تعاند والمشكلة تطورت واللي زيد المشكلة انهم عندهم نظام بالمدرسة اذا واحد يضوج واحد لازم يتبعون خطوات معينة يبدوها بالقول " توقف " واذا مة توقف يقولون" توقف مدا اشوفة حلو بعد " مع رفع اليد بوجه الشخص المعتدي (حركة توقف المعروفة), واذا استمر ية الله يروحون للمعلمة.. وطبعا سندي دة تستخدم الطريقة النظامية والبنية تس دة تتوقف بس بعد مة تقول الكلمة وسندي تتأثر. بديت احكي مع سندي وازيد ثقتها بنفسها واستخدمته كدرس تتعلم منه الثقة بالنفس بعمر صغير وقول انه المشكلة عند البنية نفسها .. وسئلتها " اكو احد ثاني قال هيجي عليج " قالت "لا بس هي" قلت" اذن المشكلة بيها هي مة تعرف تشوف الجمال والدليل احنة والمعلمة وصديقاتج كلنا نقول ملابسج حلوة بس هي تقول هيجي واذا هي تقول هيجي عليج فقولي الها انت ليلك واضحكي عليها .." فحسيتها اترددت, بعدين صفنت وقالت " ماما شراح تقول المعلمة اذا اسوي هيجي ؟واخاف تضربني تس اذا اسوي هيجي" طبعا اني كلش اتدمرت عليها حبيبة قلبي وقلت الها " لا ميصير تضربج وانت لة تخليها ولازم تدافعين عن نفسج وتدفعيها لو تصيحين " فجاوبتني" لعد قولي للمعلمة حتى لة تعاقبني .." اتفقت وياها انه اقول للمعلمة .. بس صدك كنت محترقة ومدمرة عليها .. اليوم شفت الام وقررت كحل جديد انه احكي معها .. بديت بلطف معاها وشرحت الها الموقف انه اكو مشكلة وصارلها فترة المشكلة لان بالبداية عبالي الطفلة مة تقصد والاطفال يقولون كلام مة يعنوا بس الموضوع دة يتطور وصرت كل يوم اتاخر لان سندي تعاند مة تقبل تلبس الى اخره وحكيت انه اني قلت للمعلمة بس المشكلة مة دة تنحل فممكن تحكين معاها؟ طبعا راسا دفاع مستميت اول جوابها كان: اي هي طفلة ومة تعرف معنى الكلمة وترة اني هم عندي نفس المشكلة بالبيت ومن البسها اعاني لان كلشي عدها ليلك"مة حلو" وهي اصلا مة تعرف معنى الكلمة وهم تشلع قلبي. جاوبتها اني اعرف هذا الشي ولذلك انتضرت وما اخذت رد فعل الى ان اتطورت بس سندي دة تتاثر كلش ويمكن هي دة تشوف سندي تاثرت فعجبها تبقى تضوجها. جاوبتني اي بس المعلمات لازم يحلوها اني مو يمها بالمدرسة . جاوبتها صحيح واني قلت الهم بس هم مة فاد. جاوبتني بس بنتج لازم يصير عدها ثقة بنفسها (طبعا هنا انطتني الضوء الاخضر انه اشيل الاحترامات ومراعات المشاعر بالمحادثة ) فقلتلها اني دا اعلمها وقلتالها لسندي ترة المشكلة موبيج المشكلة بتس والدليل الكل يشوفون ملابسج حلوة بس تس.. وبعد مة حسيتها تريد تتملص من المسؤولية حصرتها بالنقاش قلتالها : افتهمت من كلامج انت مة تريدين تساعدين بحل المشكلة؟؟افتهمت صح؟؟!! طبعا انجر بوشها وجاوبت " لا اني اكيد راح اساعد بس اني مو يمها ومة راح اشوف شراح يصير" جاوبتها بوجه مبتسم ابتسامة استهزاء بس نكدر نعرف من الاولاد شي يصير. فوافقتني الرأي وقالت " راح تحكي معاها " وتوادعنا ورجعت للبيت ضايجة من موقفها وتمنيت بس لو مجاوبتها جملة وحدة: انه انت واجبك كأم تعلمين بنتج تتصرف بتحضر وتتوقف عن التصرف اللي يأذي انسان. وليش بالذات هذه الجملة ياوردات لان هم يعتبرون نفسهم متحضرين واهم اركان التصرف الحضاري هو احترام الغير وعدم اذيته ..بس راح انتضر الوقت المناسب واجاوبها واتمنى انه المشكلة تنحل وما احتاج اوصل لهذا التصرف .. طولت عليكم وشغلي هم بالبيت اتاخر بس حبيت اشارككم ضوجتي بس بصراحة من كتبت ارتاحيت اتمنى اني مة طولت عليكم ومة كنت ثقيلة عليكم . تقبلوا ودي. | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي الأربعاء نوفمبر 21, 2012 3:10 am | |
| هلوووووووووووووووشوشو حبي طبعا هي حرك اعصاب وضوجه وتعب نفسي من الطفل يعاند لكن سنديه شخصيتها كلش قويه وانيقه بشكل ولبسها اخر موده وترتيب وتنسيق فراسا من دتحجين عرفت ان تس هي غيرانه من سندونه لان اني شايفه اولادهم كلش مخربطين وسخين لكن اذا اكول اولادنا انظف وارتب من الامان والهولندين محد يصدك هي بس سمعه على الفارغ خلي بال سندونه هي اتغار لان سندونه احلى منها وانيقه وشيك ولبقه وسرعه بديهه والذكاء ما شاء الله عليها يجدح من عيونها اضافه انها طفله محبوبه جدااااااااااااا وطريقه كلامها دلع بنزاكه وبحركات اتخبل من تحجي اريد اكرطها اولا انتي لضوجين لان اتعرفين سندونه زين ومن هي سندي وابقي احجي مع سنونه الى ان تقتنع ان تيس وحده تغار منا وهي احسن لان سندونه مراح تستوعب شنو معنى الغيرة وشوشو لضوجين ترى اهوايه مشاكل المدارس والاولاد ولتخلين الموضوع ياخذ مساحه واسعه من تفكيرك وان شاء الله سندون تنتصر وتاخذ حقها وتعرف ان تيس طفله ايضا لكن تغار وعندها ضعف بشخصيتها ان شاء الله تنحل الامور بما يرضى سندونه وترتاحين من كل الموضوع اي امشكله بلبدايه تكون صعبه لكن مرور الايام تنحل وتتلاشى تقبلي حبي وتحياتي لك والى سندونه الحلوة وهديه صغيرة الى سندونه وكليلها من خالتوا اشوك وهي احلى من باربي | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الأربعاء نوفمبر 21, 2012 5:55 am | |
| شوفي حبيبتي شهرزاد اي مشكله بالبدايه نعاني منهه ونحس انها كبيرة جدااااا لكن مع مرور الزمن كلشي ينحل
بس اولا نحتاج شويه صبر وحكمة .....شوفي حبيبتي اولا انتي لازم تكوليلهه لسندي انه انتي تحبيهه هوايه وتتمنين انه
سندي تكون احلى وحده واحسن وحده تتصرف بعقل وكوليلهه حتى تصيرين اقوى من تس لازم اني وانتي نكون واحد
قوتي على قوتك راح نتغلب على قوة تس لان هيه لوحدهه اعطيهه ثقه بنفسهه وانه انتي دتساعديهه ومراح تسكتين اذا
حصل لسندي اي شي وقوليلهه منو اللي يكون اقوى شخصين لو شخص واحد طبعا راح تكولك شخصين فكوليلهه
تعالي نختار باجر شراح نلبس ...حاولي بالليل تكوليلهه باجر راح نلبس هذا النفنوف شنو رئيك المهم تتفقين معاها من
الليل شنو اللي راح تلبسه والصبح تلبسيهه الملابس المتفق عليهه وتكوليلهه اذا قالتلك هاي محلوة كوليلهه مو مهم رئيك
اني وماما كلش عاجبنه اني ميهمني رئيك وتبتسم للبنيه بكل ثقه ..........هاي اول خطوة تبنين بيهه ثقه سندي بنفسهه وحاولي الصبر معاهه
لمده اسبوع الى ان تتجاوز المشكله وحتى الاطفال وره فتره حينسون هالموضوع وتخلص المشكله مع الزمن ان شاء الله | |
|
| |
تسواهن عضوة ذهبية
عدد المساهمات : 1186 نقاط : 1305 تاريخ التسجيل : 13/10/2010
| موضوع: رد: اذا ضايجة تعالي فضفضي الأربعاء نوفمبر 21, 2012 6:28 am | |
| ها شنهي الغصه ياهو الي يحجي على سنديه مالتي مو اليوم اسويها كلاب على جيسي جا ليش ماكلتيلي مو اجيبن كل العشيرة ونسويها لحم بعجين كلش انقحرت وشططت انطيني العنوان وهسه البس عباتي واوكفله براسه الدربون واخلي الي ما يشتري يتفرج عبالهم سنديه بوحده مايعروف عدها ظهر من تسواهن وكل بينياتي اجيبهن يملخنهه من شعرها واجيبن سنديه بس تكركر عليهن خيه لا ضيكين خلكج اريدج سالمه انتي وجهالج ويخليلج ابو سنديه خيه شيرة لميتلج كل الزعاطيط راح ياخذون حق سنديه والرتقاله والليمونه | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الخميس نوفمبر 22, 2012 1:27 am | |
| شكرا لمشاركاتكم وتفاعلكم حبيباتي شموسة شكرا على الباربيز يجننون وكلش حبتهم عاشت ايدج.. هي هذه المشكلة يا شموسة انه سندي محبوبة ومتعودة الكل يحبها ومحد جارحة بهة الشكل بس هي هم لازم تتعلم وهذه تجربة الها وشكرا حنونة اني سويت جزء من اللي كتبتيه انه نحضر الملابس قبل وقت وفهمتها انه اني وياها اي وقت تحتاجني راح اكون يمها واساندها ..واني راح ابقى وياها اعلمها شراح تجاوب هي الحلو بيها تتعلم بسرعة والحمد لله.. والصبح من لبست سويت تمرين الها وسئلتها اذا تس كالت ملابسك مة حلة شراح تكولين فجاوبتني"مو اني ملابسي مة حلوة انت مة حلوة "وقبلها ضحكة ...هههههههه يا حبيبتي يا سندونة .. بالمناسبة اليوم شفت الام و واني سلمت من دخلت على الصف سلام للجميع وهي جاوبت مع ابتسامة .. تسواهن شكرا حبيبتي مبينة دمج محروك يعطيكي الف عافية ويحفظ البنات الحلوات وانت كدها وكدود وعجبوني الاولاد اللي جامعتهم والله عفية عليج هاي شوكت جبتيهم منين لميتيهم.. مة تقصرين ام احلاهن ..مشكورة
مشكورين على المساندة المعنوية وعلى سرعة المشاركة والتفاعل مع موضوعي والله لا يحرمني منكم..
| |
|
| |
تسواهن عضوة ذهبية
عدد المساهمات : 1186 نقاط : 1305 تاريخ التسجيل : 13/10/2010
| موضوع: رد: اذا ضايجة تعالي فضفضي الخميس نوفمبر 22, 2012 3:08 am | |
| خيه شيرة لا تشكرين هذا واجبي حك خيتي شيرة انتي بس كولي وانه وياج ايد بيد من نعله على صفحه كلمن يتحارش بسنديه جا هي غليله ما يعرفون من ابوهة ومنوا امهه الله يبرد كليبج حبيبه | |
|
| |
الياقوته الحمراء المشرفة ملكة المنتدى
عدد المساهمات : 3529 نقاط : 4275 تاريخ التسجيل : 03/10/2010
| موضوع: رد: اذا ضايجة تعالي فضفضي الخميس نوفمبر 22, 2012 6:01 am | |
| شهرزاد حبيبتى اسفه لتاخيرى والمشاركه معكم بس صدقينى البارحه 3 مرات اكتب وينمسح وكلش انقهر وتعرفين انى مو كلش سريعه بالكتابه يعنى اطول ساعه يله شويه اكتب وبعدين ينمسح واتعب مرة ثانيه اعيده وانتظر حتى استرجع قوتى وبالنسبه لسندونه حبيبتى الصغيرونه هذا شيء طبيعى يغارون منها بالمدرسه لخفة دمها واناقتها واتوقع عدها هوايه صديقات مما يولد الغيرة للبنات الاخريات واعجبنى جدا تصرفك بحكمه وصبر وطول بالك رغم اننى لايوجدلدى اولاد ولكن من خلال مشاهدتى لكثير من المواقف اتوقع يجب كل مشكله بوقتها فورا مهما كان حجمها رغم انهم اطفال صغار ولكن حتى لا تتاثر نفسيتهم مستقبلا وتقل ثقتهم بانفسهم ويتاثرون بابسط الاشياء وحقيقة وبدون مجامله اعجبنى اسلوبك فى حل المشكله وكذلك اسلوبك الفصيح فى الكتابه وقواعد اللغه العربيه قبلاتى لك ولسندونه حبيبة الكل وهاى البزونه السندونه حتى تلعب وياها ومتضوج [size=21][size=21][/size][/size] | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي الخميس نوفمبر 22, 2012 1:30 pm | |
| ياقوته اتخبل هاي البزونه اتجنن راح ابوكها من سندونه هههههههههههههههههههه 1] | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الجمعة نوفمبر 23, 2012 12:02 am | |
| شكرا تسواهن على الدعوة الحلوة الله يبارك بيج
شموسة حقج تاخذين البزونة صدك كلش حلوة ..
ياقوتة حبيبتي شكرا جزيلا على مشاركتج الحلوة وكلش انقهرت لان هيجي انشلع قلبج بالرد الله يساعدج كلش الحالة مزعجة من وحدة تكتب وبعدين كلة بلحظة يروح.. الحمد لله سندي كلش زينة اليومين الفاتوا وتبدل بهدوء وماكو العناد ما كل يوم.. تحياتي الكم حبيباتي والله لا يحرمني منكم | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الجمعة نوفمبر 23, 2012 2:24 pm | |
| الف مبروك حبيبتي شهرزاد لان سندي عدت هالتجربه بسلام
ويارب يسعدهه ويرزقهه باصحب طيبين وحبابين مثلهه | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الجمعة نوفمبر 23, 2012 2:43 pm | |
| نيجي لموضوعي اني عن الدردشه لان عندي شغله كلش مضوجتني
بنات الكحة بدون افرازات بس احجي اكح ومديفيد اخذ بابونك يانسون كلش متعبتني ومضوجتني بنفس الوقت
من كثر الكحة صدري يوجعني هوه مو هوايه 24 ساعه لكن من يجيني تلفون او بعد الاكل مثل النوبه وتصير الكحة قويه ومؤذيه
ومالي واهس اروح دكتور لان اهنا الدكاتره مال مصر حشاكم اغبياء لان اول العام رحت لدكتور هوه خلى يصير بيهه التهاب بالقصبات
لان انطاني مهديء للكحة ونزلت الافرازات بصدري وسوتلي التهاب وكل اسبوع ينطيني ادويه شكل يكولي سيبي دي وخذي دي عبالك دنلعب
وجماله عنده دكتوراه بالحساسيه وامراض الصدر وغالي جدا يعني مو رايحة لدكتور اي كلام بس حشاكم طلع زمال درجة اولى
هسه اني صارلي اسبوع اشرب سوائل دافيه واليوم بديت اخذ حبوب الرمين مال حساسيه
اللي عنده اي اقتراح خلي يكوله عسى ولعلى نستفيد وخالتي هذاك اليوم كلتلي اكو سبري مال حكة ما اعرف اكو احد منكم مجربهه
شهرزاد انتي دائما تشكين من الحساسيه مال الجيوب شنو معلوماتك لان اني كحتي هم حساسيه | |
|
| |
الياقوته الحمراء المشرفة ملكة المنتدى
عدد المساهمات : 3529 نقاط : 4275 تاريخ التسجيل : 03/10/2010
| موضوع: رد: اذا ضايجة تعالي فضفضي السبت نوفمبر 24, 2012 5:24 am | |
| حبيبتى حنونه الورده سلامتج من الكحه وسلامة صدرج يالغاليه الحنونه وهاى حالتج هنا هوايه بالمانيا يشكون منها ووكلام الاطباء هو انه يوجد جفاف بالبلعوم فيسبب الكحه وبالنسبه للسبرى زوجى قبل اسبوع اشترى منه ويكول هو يرطب البلعوم ويقلل الكحه فمااعرف اذا اكو منه بمصر وهذا اسمه
glandosane 50 ml وسعرة 8 ال 10 يورو بس افضل لو تشربين اعشاب اخرى مثل البردقوش مرة قريته باحد المواقع هم زين للكحه وعشبة الافندر حياتى حنون حاولى يوميه جربى شيء طبيعى انشاء الله تحصلين على نتيجه تخفف الكحه وايضا هناك طريقة شرب ماء ساخن مع ملعقة عسل قبل الفطور ترطب البلعوم وتقلل الجفاف وتوجد طريقة اخرى للكحه وهى تقطيع راسين بصل كبار مع 6 ملاعق شكر وتركها لمدة 3 او 4 ساعات لحين نزول شراب او ماء البصل ويشرب بالملعقه ولكن طعمه كلش حلو مو كل واحد يتقبله انى مرة سويته جانت عدى كحه لجت ويايه اسبوع واكثر وكلش فادتنى حياتى حنون مادوخج حاولى تجربين هاى الاشياء احسن من الدواء والله المعافى وقلبى معك ياحنونتنا الغاليه
عدل سابقا من قبل الياقوته الحمراء في الثلاثاء نوفمبر 27, 2012 10:17 am عدل 1 مرات | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي السبت نوفمبر 24, 2012 10:56 am | |
| سلامتك حنونه حبيبتي طبعا حنونه الحه كلش مزعجه وتنرفز الواحد بشكل مو طبيعيلكن الي جربته وكلش فادني هو الصبح قبل الفطور ماء دافي مع خاشوكه عسل وبليل قبل النوم كلش يرتاح الصدر والكحه تقل ومتاذي الصدر من تكحين اني جربته لان الكحه دمرتني قبل 3 شهور ورحت دكتور امراض صدريه واشعات وووووو لكن الي فادني هو بس العسل بلماء الدافي جربي ان شاء الله اتصيرن احسن واحسن الوصفه التانيه
نقط ليمون ملعقة صغيره زنجبيل ملعقتين عسل تحطينها فنجال شاهي وتحطي عليها ماء دافي يعني اللي يملاء
كاسة الشاي ثلات مرات في اليوم
بالشفاء ع قلبك حنونه غاليتي
| |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي السبت نوفمبر 24, 2012 2:37 pm | |
| شكرااااااااا حبايبي تسلمون عالوصفات الطبيعيه هاي
حقيقي شفت هذا الموضوع وكنت كلش ضايجة من روحي لان بس اكح ومو كحة عاديه لكن مؤذيه تهزني
اشكركم عالوصفات وان شاء الله ابدي بيهه وصفه وصفه والله الشافي المعافي
شكرااااااااا لكم ياقوته وشموسه يعطيكم الف عافيه حبايبي | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي السبت نوفمبر 24, 2012 2:43 pm | |
| ياقوته حبيبتي اني اعرف وصفه مال طب شعبي كلش مفيد للكحة
تاخذين ملعقتين زيت زيتون وتقلين بيهه بصله كبيرة مفرومة على نار هادئه الى ان تشقر
وراهه تصفيهه وتشربين ملعقه كوب صغيرة ممتازة للكحة
لكن شريف اللي يكدر يبلعهه هههههه تحرك ونفسي تلعب منهه ماعرف ليش ولو اكو ناس يسووهه بس اني ما اكدر
احطهه بحلكي اريد ابلعهه ترجع ابلعهه ماكو ترجع باك ههههههههههههه | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي الأحد نوفمبر 25, 2012 2:57 pm | |
| هلووووووووووووو حنونه حبيبتي اشلون صرتي ان شاء الله احسن طمنينا عليك ياغاليه | |
|
| |
شهرزاد بغداد مصممة الموقع
عدد المساهمات : 3051 نقاط : 3713 تاريخ التسجيل : 13/01/2011 الموقع : dream-force.nl العمل/الترفيه : مصممة صفحات انترنت ...ربة بيت حاليا
| موضوع: رد: اذا ضايجة تعالي فضفضي الثلاثاء نوفمبر 27, 2012 6:46 am | |
| السلام علكم
حنونة حبيبتي سلامتج الف سلامة وما عندج الا الصحة والعافية حبيبتي الله يساعدج على الكحة والله اني من تصير عندي الله لا يراويها لاحد احسها من روحي تطلع .. بس اني ما استخدم اي دواء..بس بالنهاية اخذت دواء مو من الصيدلية من محل يبيع ادوية ما تحتاج وصفات طبيب ماركة المحل نفسة بس البداية كان على شاي الاعشاب مرة اعطته الي ياقوتة يباع في محل عدهم بالمانيا.. ادعو لكي بالشفاء من كل قلبي لان اعرف شنو الشعور اللي عندج حبيبتي.. | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الأربعاء نوفمبر 28, 2012 1:40 pm | |
| تسلمولي حبايبي شموسه وشهرزاد فعلا الكحة مدمرة واني عالتعليمات يوميه اشرب عسل بالمي الدافيء وكلولي بالليل ادهن صدري بفكس وفعلا انام مرتاحة بلا كحة لكن بالنهار اقري علاوي والكلام مع الجهال واظل اكح وربي المستعان وصارلي كم يوم فقرات العنق كلش مدمرتني ولازم ما اكعد عالنت بس من اضوج ارجع اقلب بالصفحات لكن احاول ما اكتب هوايه حتى لاانزل راسي لان الصداع دمرني بالمختصر المفيد سكراب صايره ههههههههههههه | |
|
| |
شمس الاصيل مديرة موقع
عدد المساهمات : 5914 نقاط : 7595 تاريخ التسجيل : 01/10/2010 الموقع : ورود عراقيه
| موضوع: رد: اذا ضايجة تعالي فضفضي الخميس نوفمبر 29, 2012 12:35 am | |
| حنونه ضحكتيني مال سكراب الحال من بعضواااااااااااااااااااااااا البارحه كنت عند الدكتورة وكالت ضغطك عالي ولله من السترس الي بي من الصبح الى الليل مع الاولاد وكل واحد رايه شكل وميقتنعون وبوحدي احجي مع نفسي هههههههههههههههههههههههههه هاي هي راحت علينا ايم الحب وارومنسيه وهسه صفينا سكرابببببببببببببببببببب | |
|
| |
الياقوته الحمراء المشرفة ملكة المنتدى
عدد المساهمات : 3529 نقاط : 4275 تاريخ التسجيل : 03/10/2010
| موضوع: رد: اذا ضايجة تعالي فضفضي الخميس نوفمبر 29, 2012 6:21 am | |
| هلا وكل الهلا بالمسكربات وانى هم اضم نفسى وياكم على كولة المثل ميكعد الجدر الا على ثلاثه انى يوميه ارجع من الدوام متكسرة تكسر وابقى مجطوله على القنفه ومتغطايه بالبطانيه ومابى حيل اكوم كلسه اكول بعد شويه الى ان تصير ساعه 4 اكوم اركض اطبخ لانه عبيس يجى بل 5 وراها يصير المغرب واصلى وبعدين اشوف مسلسله تركيه ويصير الليل وانام وهلم جرا بس اخاف ليتغير اسم الموقع الى وردات مسكربات اسم الله عليكم مقاديرلتزعلون منى لانه بحبكم من البى | |
|
| |
غزل الحب اميرة المنتدى مشرفة
عدد المساهمات : 3160 نقاط : 4158 تاريخ التسجيل : 03/10/2010
| موضوع: رد: اذا ضايجة تعالي فضفضي الخميس نوفمبر 29, 2012 10:30 am | |
| الموضوع كلش حلو
واسفه تاخرت بالمشاركه
حنون سلامتج حبيبتي الف سلامه احسن شي للكحه ملعفه كوب راشي تاخذيها ترتاحين وقبل النوم اخذي ملعفه زيت الزيتون بس دافي ولاتاخذين اي شي بعده للصبح جربي ترتاحين
وان شاء الله عندج العافيه | |
|
| |
قلب حنون نائبة المديرة
عدد المساهمات : 4882 نقاط : 5256 تاريخ التسجيل : 03/10/2010
| موضوع: رد: اذا ضايجة تعالي فضفضي الخميس نوفمبر 29, 2012 12:34 pm | |
| - غزل الحب كتب:
- الموضوع كلش حلو
واسفه تاخرت بالمشاركه
حنون سلامتج حبيبتي الف سلامه احسن شي للكحه ملعفه كوب راشي تاخذيها ترتاحين وقبل النوم اخذي ملعفه زيت الزيتون بس دافي ولاتاخذين اي شي بعده للصبح جربي ترتاحين
وان شاء الله عندج العافيه تسلميلي حبيبتي غزوله الله يسلمج ويعافيج عالوصفه ان شاء الله راح اجربهه ولايهمج حبيبتي حتى لو تاخرتي لان الكحة لازكة بلكي يارب تفيدني وصفتك واخلص من الكحة ان شاء الله | |
|
| |
| اذا ضايجة تعالي فضفضي | |
|